مشاهد في حياتنا ...... اقول صب شاهي بس

[سراب]

[align=CENTER][table1="width:85%;background-color:black;border:10px ridge red;"][cell="filter:;"][align=center]

المشهد الأول

رئيس دولة + رئيس دولة

الأول : وش اخبار دولتك؟
الثاني : الأمور فيها تمام بس مشكلة هالحدود مأرقتني شوي وماتخليني أنام
الأول : انتم للحين ماحليتوها ؟؟؟
الثاني : ياخوي أنا احصلها من الحدود أو الشعب أو ...أو .. أقول صب شاهي بس!!

المشهد الثاني

وزير + وزير

الأول : وش اخبار وزارتك؟

الثاني : الأمور فيها تمام بس العجز المالي شوي مأرقني ومايخليني أنام
الأول : للحين ماعرفتوا الخلل
الثاني : أنا احصلها من العجز أو الإختلاسات أو .. أقول صب شاهي بس!!

المشهد الثالث..

مدير + مدير

الأول : وش اخبار إدارتك؟
الثاني : الأمور فيها تمام بس تسيّب الموظفين شوي مأرقني ومايخليني أنام
الأول : للحين ماعالجت الوضع
الثاني : أنا أحصلها من الموظفين أو رؤساء الأقسام أو .. أقول صب شاهي بس!!

المشهد الرابع...

موظف + موظف

الأول : وش أخبار شغلك؟
الثاني : الأمور فيه تمام بس موضوع الإجازة شوي مأرقني ومايخليني أنام
الأول : للحين ما وافقوا لك عليها
الثاني : أنا احصلها من الأدارة أو المراجعين أو .. أقول صب شاهي بس!!

المشهد الخامس...

مواطن + مواطن

الأول : وش أخبارك اليوم؟
الثاني : الأمور تمام بس مشكلة الشغالة شوي مأرقتني وماتخليني أنام
الأول : للحين ماجتك التأشيره
الثاني : أنا أحصلها من من مكتب العمل أو الإستقدام أو .. أقول صب شاهي بس!!

المشهد السادس...

زوجة + زوجة

الأولى : وش أخبار عيالك؟
الثانيه : الأمور تمام بس هالبنت اللي ماجاها نصيب شوي مأرقتني وماخلتني أنام
الأولى : للحين ماانخطبت
الثانيه : أنا احصلها من خطبة البنت أو وظيفة الولد أو ..أقول صبي شاهي بس!!

المشهد السابع ..

عامل + عامل

الأول : كيف كفيل مال أنتا؟
الثاني : كويس بس هذا مشكل راتب يسوي تفكير ومافي نوم
الأول : ليش هو مايعطي راتب ؟
الثاني : أنا مشكل كفيل أو مشكل بيت مال أنا أو ... صديق جيب شاهي!!

•المشهد قبل الأخير•

غريب الوطن + ( .. )

( .. ):هــا بشرني كيف النوم معك ..؟!
غريب الوطن:والله النوم زفت ولله الحمد ! كل يوم احس فيني النوم أقوم أنام بس ما أنام!!!
( .. ): لا تفكر كثير أنت تحب
غريب الوطن:أنا أحصلها منك أو من الطلبات أو من الدوام اللي باقي له اسبوع أو .. أو..
أقول
صب شاهي بس !!

•المشهد الأخير•

كل الناس بكل فئاتها ومكاناتها الأجتماعية تعاني من هموم تؤرقها وكل واحد همومه
على حجمه وكلن ..( يصب شاهي على قد البيالة او الكاسه اللي بيده ) !!

راق لي
[/align][/cell][/table1][/align]

[المخلص]

وليس هناك حل الى القناعة - - - لجميع الطبقات والفئات

والسير على المنهج - - - مشكوره جميل ما سطرتيه

[أبو وليد الشيخ]

الله يعطيك العافيه اختي سراب

[كمال البدور]

البعد عن القناعه سبب في التعاسه
والاعراض عن ذكر الله .... نتيجته الحياة الضنك
والمشكلة حتى بعد الموت لا يوجد راحه

مشكورة مراقبتنا على تقديم كل ما هو مفيد للعموم
تقبلي مروري

[ابو طلال الفيفي]

وعليكم السلام ورحمة الله وبركاته
طرح في غاية الروعه
الله يعطيك العافيه اختي الكريمه

[عايد]

طرح جميل ينم عن إطلاع وثقافه عاليه
......ولست ممن يقيمون .....الكبار في ثقافتهم واطلاعهم امثالكم ..حاشى لله

تقبلي مروري واحترامي سيدتي الفاضله

[سراب]

بارك الله بمروركم وردودكم التي تنم عن وعي كامل
لاحرمني الله اطلالتكم العذبة

[سراب]

اخي عايد
لسنا اساتذة بل تلاميذ في الحياة
لازلنا نتعلم ونحاول نخطيء احيانا واحيانا نصيب
لعلنا ما حصلنا على ما حصلت عليه من العلم
لكن يبق لنا مقعدا في مدرسة الحياة
شكرا لك

[سحاب سدير]

وراق لنا ايضا اختي سراب
وفعلا مافية مرتاح ابد وكن همه على قدة
والله يبيتنا مظاليم ولا نبا ظلام

شكرا

[سراب]

اللهم آآمين مزن سدير نورتي يالغالية
شاكرة حضورك