الوقت غدار والايام دواره

[الركام]

الوقت غدار والايام دواره
000000 والناس تطرد ورى الدنيا وتلحقها

نسيوا نهار ٍ يجيه العبد باوزاره
000000 في ساعة ٍ للخلايق عند خالقها

في موقف ٍ ما تميز فيه حضّاره
000000 فيه الاوادم تبيّن لك حقايقها

يوم المحاسب وكلا ً تشخص ابصاره
000000 يحاسب الله كاذبها وصادقها

احدن على جنته واحدن على ناره
000000 نارا ً تلظى ولا حيا ً بطايقها

يانفس توبي ترى ما انتي بصباره
000000 وحياة الانسان يا مسرع دقايقها

كم واحد ٍ عقب ضحكه هلت اعباره
000000 دنيا تقلب ولا بده مفارقها

الرابح اللي ختم فالعمر مشواره
000000 لله ساجد وروحه مات معتقها
الشاعر عزام الخريف

[الذعذاع]

يعطيك العااافيه أبو سعوووود
ابيات جميله
صح الله لساااان شاعرهاااا عزاااام
لاهنت أخوي

[احساس انسان]

صح لسان شاعرها وتسلم يمنى ناقلها...

[راع الزلفي]

الله يعطيك العافية وصح لسان الشاعر...

[ابو ناصر الشريف]

صح لسانك ولسان شاعرها
جدااا جميله بيض الله وجهك
ابو ناصر الشريف

[هميلان]

اختيار جميل يا ابو سعود
صح لسانك ولسان قايلها

[ام الدانه]

صح لسان شاعرها وتسلم يمنى ناقلها...

[روح آلوفآ]

آلله آلله قصيده رآئعه رآقت لي

صح لسآن شاعرهآ ولآهنتْ ي آلركآم
على آلآختيآر وآلطرحْ آلرآئع ~

[مهدي فواز]

ابيات جميلة ربي يوفقك

[مدور الغيث]

صح لسانك ولسان الشاعر . أبيات جميلة .