قصيدة حامد زيد

[مدور الغيث]

قصيدة للشاعر حامد زيد أرجو أن تحوز على رضاكم

علـى ذاك الطريـق الـلـي يسمـونـه غــرام أحـبـاب*** وطت رجلي على دربه ولاأدري وش نوى فينـي
تبعتـه لآخـر دروبـه .. أليـن أن القمـر قـد غــاب *** تـعــب قـلـبـي ، ولا تـعـبــت مـسـافــاتٍ تـوديـنــي

لقيت الليلـة الجـردا : هـدب ظـل وسمـا واعشـاب *** بــعــد ذاك الــظــلام الــلــي يـتـوهـنـي عـنـاويـنــي

صدفتـك معجبـه فينـي وياليت..الغـرام : اعجـاب *** وتــراك انـتـي الهـنـوف الـلـي هقيـتـك تستحقيـنـي

عطيتـك عشـق مـن قلبي..وسلمـت لغـلاك رقـاب *** وغـيــرك يـحـتـرق قـلـبــه ولا يــقــدر يحـاكـيـنـي

أنا قبلك صدفـت عيـون لكـن ويـش جـاب لجـاب؟ *** تـــرى كـــل الـعـيـون الـلــي لقـتـنـي مـــا تكفـيـنـي

رمانـي حظـي العاثـر عليـك وجـيـت لــك طــلاب *** ولا أنتـي اللـي عشقتينـي ولا انتـي اللـي عتقتينـي

تعـالـي واعتـقـي ذاك الخـفـوق الـمـولـع الـمـرتـاب *** مهـب لاجـلـي ، عـشـان الله يجـازيـك ويجازيـنـي

تعدي في سما عشقي ولو عشقي خراب أصحـاب *** وصونـي بالهـوى نفسـك قبـل لا انتـي تصونينـي

وشيلينـي علـى متنـك : خـفـوقٍ بــاريٍ منـصـاب *** ومـن فـوق الـغـرام الـعـذب .. شيليـنـي وحطيـنـي

ولا مـنـك هقيتيـنـي شـجـاع ومــا يـطـيـق يـهــاب *** أنــا لــك بالـهـوى والله مـثـل مــا انـتـي هقيتـيـنـي

أنـا مـا أمشـي ورا غيـرك ولـو أنـه يطـق الـبـاب *** وتـرى عيـبٍ علـيّ أطعن..ولـو كثـرت سكاكيـنـي

زهــودٍ مـــا يـطـيـق الـــدم لا دايـــن ولا طـــلاب *** شـجـاع وعــارفٍ نفـسـي وأظــن أنــك تعرفـيـنـي

غيورٍ ماعرفت أضحك مع الغدر ببّرود أعصـاب *** أبـيــع عـيـونـي الثـنـتـيـن قــبــل أنــــك تخـونـيـنـي

إذا شد الغرام .. اترك خفوقي : بين ناب ونـاب *** لفرقـى تكسـر ضلـوعـي .. ولا عـشـقٍ يوطّيـنـي

أنا رجلٍ ولي غيـره .. وإذا شفـت الهـوى كـذاب *** تـثــور بقـلـبـي الـفـزعــه ولا تــهــدى شيـاطـيـنـي

سؤالـك لـو يزعـزع بـي كيانـي مـا قبلـت عـتـاب *** اجـي لـك وأسالـك نـفـس الـسـؤال الـلـي سألتيـنـي

عـن العشـق القديـم أبـواب .. تقفيهـا كثيـر أبـواب *** بـعـد ذاك الحبـيـب الـلـي خدعـنـي وانـخـدع فيـنـي
أ
بي عشق تحسب له كـل نظـرات العيـون حسـاب *** وابـي قلـبٍ علـي قلبـي ، وابـى ديــنٍ عـلـى ديـنـي

وابي نظرة عطا توفـي ولا تخلـف بـدون أسبـاب *** وابــي مـنـك قـبـل لا نـتـي تصديـنـي .. توديـنـي

وابي دربٍ علـى العـذال صعـبٍ ومتعـبٍ وغـلاب *** وابـي نـفـس الطـريـق الصـعـب يبعـدهـم ويدنيـنـي

تـرى لـو للقلـوب عيـون ولدمـوع العيـون أهــداب *** حـشـى مــا تـنـزل الدمـعـه لغـيـرك لــو تركتيـنـي

أنا أول من عرف قدرك وأنا توي صغير وشاب *** وابـــي مـنــك مـــا دام أنـــك عرفتـيـنـي تحبـيـنـي

ما دام أني لقيتك فـي طريـق أسمـه غـرام أحبـاب *** دخـيــل الله ، وبـعــد الله دخـيـلـك .. لا تخـلـيـنـي

ما دام أن كل من يحيا علـى وجـه التـراب تـراب *** عـسـى تنـسـانـي الـدنـيـا مـــادام أنـتــي ذكرتـيـنـي

تقبلوا تحيات مدور الغيث