كيف نصنع خريطة Gps لسوريا ؟ يرجى المساعدة ..

[علاء السوري]

السلام عليكم أخواني ..

انا عندي موبايل n95 8gb

بحثت كتير ومافي خرايط بمستوى جيد لسوريا .. ومافي ضمن موقع نوكيا خرايط لسوريا .. وحتى انو سوريا محجوبة عن تحميل الخرائط .. فبرنامج نوكيا ماب لودر ما بيقدر يتصل بسيرفر التحميل وبالتالي مافي تحميل خرائط ..


انا عملي الاساسي طبوغرافي وبشتغل بالمساحة العسكرية .. وعندي اطلاع واسع باغلب المناطق السورية .. او عالأقل يمكننا الاستفادة بشكل واسع من الخرائط المتوفرة بإدارة المساحة او جوجل ايرث أو فيرتوال ايرث من مايكروسوفت

ولكن سؤالي .. كيف نقدر نصنع خريطة قادرة على التعامل مع انظمة الجي بي اس ..

أقصد إذا انا أخدت خريطة عالية الدقة او خريطة من جوجل ايرث وحطيت عليها معظم النقاط واسماء الشوارع والمستشفيات والمطاعم والمنتزهات واماكن التسلية .. واللي بقدر عليه .. وحفظت الخريطة .. كيف بقدر حولها لخريطة أقدر حملها عالموبايل او اجهزة الجي بي اس بشكل عام ..



يعني المطلوب كيف ممكن تحمويل الخريطة من صيغة صورة لصيغة ممكن يشغلها نوكيا ماب ... أو برنامج القارمن مثلا


يا ريت إذا حدا بيقدر يفيدنا بالطريقة .. وإن شاء الله منقدم خريطة شاملة ودقيقة وبالمجان بإذن الله ..



اتمنى انا أجد الحل .. والله يوفق الجميع ..
والسلام عليكم ورحمة الله وبركاته