السلام عليكم
من الارشيف ان شاء الله تروق لكم
هلابك..كثر ماغرد على غصن الشجر عصفور
وكثر حبك بوسط انفاس روحي ونبض شرياني
هلابك..كثر ماهليت بك من مرقبي مسرور
وكثر منهو سجع صوته بعال الرجم طرباني
هلابك كثر ماهل المطر وشرق شعاع النور
وكثر منهو فهيم"ن"يعرف الهادم من الباني
هلابك كثر ماردد وغنى الشاعر المشهور
قوافي صادق شعوري وسمو احساس وجداني
هلابك كثر منهو لك تداعى من حبر بسطور
وصور من خيالاته قوافي شعر والحاني
هلابك كثر ماهزك حنين الخاطر المكسور
وكثر ماتنزف عروقي مواجع غربة اوطاني
هلابك كثر مافاحت ورودك بالغرام ازهور
وكثر ماصابني سهم الغرام وبعثر اركاني
هلابك كثر منتي لي احاسيس وشعر وشعور
يترجمها لك إحساسي وينطقها لك لساني