[وتشرق]

بسم الله الرحمن الرحيم

هذي أول مشاركة لي في منتدى الطبخ

أتمنى تنال رضاكم

اليوم الإثنين 22/2/1433 ، ما هنا دوام صدق

ولا نقدر نكشت // العيال عندهم اختبارات

قلن نكشت بالمطبخ

ونجرب هالطبخة اللي كنها مندي بس مطور

نبدأ على بركة الله

1

تتبيل الدجاج بزيت الزيتون والملح وبعض البهارات المطحونة + رشة خل
ونتركه يتخلل

2

على بال ما يتخلل ( نكشن ) للرز ببصيلات وقطعة صغيرة من الزنجبيل + حبة مجنونة + ملح وكمون

3

نحضر قدر الكاتم الكبير ( 20 لتر ) أو حوله ، ونضع في قعره يعني قاعته رمل نظيف

4

نكب الرز يعني نضعه مع الكشنة والماء الحار
ونضيف عليه بهارات خشنة فقط وهي :
هيل + قرنفل ( أي مسمار بدون صواميل ) + عودين دارسين

5

نسلقط يعني نضع القدر الصغير في بطن الدبي ( الكاتم )

6

ثم نصف هالعويدات بهالشكل
لازم تسذا ولا تخرب الطبخة

7

نصفصف اللحيمة والخضروات حسب الرغبة

8

نكتم الكاتم كتما متكاتما

9

نحسب له ربع ساعة أو خمسة عشرة دقيقة أو ساعة إلا ثلاثة أرباع

ثم نقصر عليه النار بالحيل
يعني نار هادئة جدا
ونحسب له من ساعة إلى ساعة وربع

وهالحين أبصلي
وبعد ما يخلص الوقت أخبركم شو صار

وبعــــد مرور خمـــــس ســــاعــــــات



آســــــــــــــــفين يا الربع

صار خلل طارئ ... حيث راحت علي نومة

وأول العصر رحت أطلع الجيب ( الأخيضر )

من المستشفي ( موجعه بطنه من كثر ما يأكل

من مطاريسي ... قصدي طبخاتي )

المهم

هذي باقي الصور


هنا فتحنا القدر بعد ساعة وخمسطعش دقيقة و59 ثانية وأربعة أعشار الثانية


ثم رفعنا الطبقة العليا

ووضعناها بصحن ثان
ويمكن وضعها في غطاء القدر مقلوبا ( كالعادة )

بعدها نزيل العيدان ... الأعواد ... العوادين
برفققققققققققققق


وأخيرا ... هذه لقطة الختام
وبعدها
لا تسأل يا صاح ماالذي حصل
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

وبالهناء والعافية

...........................