[ضلع شعيفان]

حيا الله الجميع ...نكمل الرحله...
في اليوم الثاني ذهبنا الى مونار ... وما ادراك ما مونار . جنه سبحان الله الجو بارد مع رطوبه وجبال تعانق السحب بل السحب تمشي مع الوديان ( الانهار ) ومزارع الشاهي تغطي الجبال والقهوه والهيل في سفوح
الجبال والوديان والفلفل الاسود يتسلق الاشجار و و و ...
بالنسبه لموضوع السياره فقد اخذنا عن طريق هندي على كفالة اخي في السعوديه استقبلنا في المطار وجاب لنا سيارة جيب تايوتا صغير مع سواق يتكلم عربي وسبق ان عمل في السعوديه ( في ديرتنا بعد يعني طلع معرفه
الرجال ) واتفقنا معاه اليوم ب 160 ريال سعودي والديزل علينا .. وبسراحه سعره ممتاز الانا سالنا ولاقينا الاسعار 200 الى 300 ريال ...
نرجع لمونار
هذا نهر جاري لقيناه في الطريق من تشور الى مونار معرف اسمه

شلال خيالي في الطريق ... الشلالات كثيره في الطريق لكن صرنا نتشرط ما نوقف الا عند الكبير بس ...

شلاال اخر حلو ...

لي ماء يصب على طول موصل من شلاال عالي علشان يصب مضبوط قلنا نعبي الجركن حقنا ماء بارد وحلو ... وين تلقها بالصمان ... وهذا السواق شنكوريعبي وابو عيد وابو سلطان
يراقبون الوضع ( شكلهم عطشانين).
على فكره اغلب البيوت في الارياف تلقى اللي
مشبوك في الخزان العلوي والزود له ماصوره تصريف ...ويحمدون ربهم .. الافاتوره ولا وين راح الوايت زينا في الجمش ... الله يرحمنا ...

نهر عليه جسر مشاه

فراشه مبسوطه نهر و ورود ... تحمد ربها ...

حياكم الله تقهوو ... هذي شجرة البن ( القهوة ) ...

مادام قهويناكم فالى اللقاء انتظرونا ...لا نزال في الطريق الى مونار ... يتبع .....الباقي افضل ....