الموضوع: ذكرى قديمة
عرض مشاركة واحدة
  #1  
قديم 2019-05-22, 05:10 AM
عبدالمحسن الرحمه عبدالمحسن الرحمه غير متواجد حالياً
شاعر
 
تاريخ التسجيل: Oct 2008
الدولة: الزلفي
المشاركات: 2,447
جنس العضو: ذكر
عبدالمحسن الرحمه is on a distinguished road
افتراضي ذكرى قديمة

‏ذكرى قديمة بخل ٍ كان قاطعني/
أركى مياسيم هجره داخل أعماقي
أول وهو عن جميع الخلق مشبعني/
من زود حبه خفوقي دوم مشتاقي/
ياليت ربي بوصل الزين يجمعني/
يمضي بنا الوقت فرحه حب وعناقي/
عجزت أفسر غياب الخل وش يعني/
ضاق الفضاء في عيوني والصَّدر ضاقي/
الله يا قوّ قلبه كيف يفجعني/
حسيبه الله عذاب الهجر بواقي/
قدر شعوري حرام انك تولعني/
خليتني من فراقك صدق منعاقي/
غيابك المر يالمحبوب لوعني/
أصبحت أنا للسهر يازين عشاقي/
من عقب ماأنتب مراعيني مدلعني/
سحابك أصبح بلا خير ن وبراقي/
والله لولا الحيا والدين يمنعني/
لاسري على صاحبي منتوق الأعناقي/
يبعد بي الفكر بالذكرى ويرجعني/
وادموع عيني سوات الما مع الساقي/
قلي وش اللي حصل يازين واقنعني/
أحرقت قلبي بسبة بعدك احراقي/
الشعر في غيبتك ماعاد ينفعني/
ماله طعم لو يكون المستوى راقي

التوقيع:
رد مع اقتباس