السلام عليكم ورحمه الله وبركاته
سمعت هذي القصيده وهي للشاعر مهايف جعله يسلم
ورديت عليه مما في الخاطر
*القابض على جمره*
القلب مكسور والنظرات منكسره
والحلم سكره تطوّح عند بيبانه
ويلي من الهم والأيام والحسره
عايش حياته وروحي منه تعبانه
حفظت حبّه كماالقابض على جمره
وأجمل هداياه جازاني بنسيانه
أحلام صدقتها وطالت بي العشره
لين الحقيقه تلاشت مالها خانه
الحق ضايع بصوته ما بقى نبره
وكملتها بصمت عذّب روح خسرانه
ما اقدر احبّه ولا انسى ولا اكره
مشوش الفكر بين الصدق ولسانه
واليوم برّق وتلقى بقصتي عبره
أهديت فيها حياتي لناس خوّانه
الشاعر مهايف
------------------------------------------
وهذا ردي الي مثل وجهي
يامهايف الوقت يروع راعي الجسره
بحــرن تلاطـم بعالـي الموج جيلانـه
والحــب سهمن كـفانا الله من شــره
وراعي المحبه تعـرفه بعذب الحانه
من راح خلـه ولا تبـرا بـك الحسره
ماحدك الله تعيش الظيــم من شانـه
سحاب قبلك تصبـر ومل من صبـره
ومن عاف حبك عليك اليوم نسيانه
خذ مني المـاء يطفي لاهــب الجمره
ورفـع كفـوفك لعظيم الشان سبحانه
اخوك سحاب