لا عاد يومٍ فيه للدار مريت
نواف محمد الصخابرة
لا عاد يومٍ فيه للدار مريت
جدد على قلبي جروحٍ عطيبه
دار الحبيب اللي عليه استشفيت
وارخصت له روحي وقلبي طليبه
مريت داره دون مدري وونيت
والهم في صدري تزايد لهيبه
سجيت ما كني من الحب سجيت
وكثر التمني ما يجيب الحبيبه
يا ليتني يومٍ اني اقبلت صديت
ولا نظرت اللي بشوفه مصيبه
ذاك المكان اللي به الزين لاقيت
والعود الازرق والعلوم الرحيبه
زوّد همومي مع كثير التناهيت
والروح عقب الزين عاشت صويبه
ومهما يطول الوقت للزين حبيت
اللي ملك قلبي بحبه وطيبه
|