[أم فهد]

ليه هذي الأخلاق وأنت صايم ؟؟

طول الوقت وأنت معصب ... ماتطيق أحد يكلمك ولا يتناقش معك
في الدوام تتهاوش مع الموظفين ... علشان أنت صايم
في الشارع تتهاوش مع الناس كل الي حولك مايعرفون يسوقون بس أنت الي تعرف
وكلهم يمشون غلط وأنت الصح .. تسب هذا وتهاوش هذا لين توصل البيت وتكثر الحوادث..
علشان أنت صايم
وفي البيت لاحد يكلمك ولا تبي أحد يطلب منك طلب ,, العيال حذرين منك ..
كل ماتكلموا صرخت عليهم وهاوشتهم تبي ترتاح وماتبي صوت
تجي المره بتسولف معك تنرفز وتعقد حواجبك ,, علشان أنت صايم
لو رحت السوق ولا السوبر ماركت تهاوشت مع الناس لاحد يتعدى عليك
ولا تبي أحد يناقشك في فاتورتك ,, علشان أنت صايم
طيب وبعدين شهر كامل بنتحملك وأنت بهالأخلاق ؟؟
مطفي النور الأخضر ومولع الأحمر على طول ؟؟
وتجي على سفرة الفطور وياويل المره لو شفت شي ناقص
كأنك تبي تتصيد بس علشان أنت صايم
الله يعنا عليك وانت بهالأخلاق طول الشهر الكريم
كأن ماحد صام إلا أنت