. عدّت سنه ولا تغيّر معك شيّ
ما عاد باقي غير اوافق واتمم
دامك مصمم لا تحط العذر فيّ
انا بعد على فراقك .. مصمم
اخر علاج لجرح تقصيرك .. الكيّ
نهاية اهمال الجروح .. التسمم
مليت اطوّف ذيّ واجامل بذّي
انت تهدم وانا اتغاضى وارمم
اول عليك ايمم احساسي الحيّ
والحين .. ما والله اوجّه وايمم
احلامي اللي من قبل عام وشويّ
نفضتها .. نفضة تراب التيمم
ما احب اعمم بس ما حسّها ليّ
ومن كرهي للي لك .. حبيت اعمم
محمد الجارالله