بسم الله الرحمن الرحيم
السلام عليكم ورحمة الله وبركاته
بعثرت فكري يالغضي وانته ولا كنك تشوف
ساكت ومتبسم ولا همك ولا كنك ترى
لكن من نظرة عيونك والعيون بها حروف
أدري عن اللي في ضميرك طاري أو ما طرى
إرحم بحالي لا تخليني وناظرني وروف
تكفي جروح في ضميري ما حدن عنها درى
يعني تبيني آخذ كفوفك وناولها الكفوف
والا أنادي بكل صوتي واسمع جموع البرى
لالا تغلى رد هيه أنا أنادي يالهنوف
أنتي تشوفين الكلام اللي كتبته أو سرى
طيب بسيطه ودك أعزف لك من ألحاني عزوف
قللي وش اللي مشتهي واللحن له عندي حرى
قلبي على أمواجك قصيده في بحر حبك يطوف
من عاصف الريح العتيه يالغلا أنته ذرى
بانت ثمانه كنها صفه من اللولو صفوف
قال ابدع القيفان يالذعذاع حبي لك جرى
وسلامتكم