[صالح الربيعان]

المشاركة الأصلية كتبت بواسطة هديب الشام

يا هلا والله بالغالي اثر الربع قابضين عليك هنا وحنا ندور عليك بس عزالله من فتحت الموضوع لين خرجت وانا اضحك سوالفك يا ابو عبد الله اشغلتنا حتى بالصلاة
ابي سالفتك بساحل العاج او تنزانيا اول ما نزلت الفندق يومين مانمتوا متحمسين مع المطر

هلا وغلا بأبي خالد والسجن نور بوجودك ههههه:: الرحلة كانت لساحل العاج ويوم وصلنا المطار بعد المغرب استقبلنا أحد الإخوة هناك وهو من ساحل العاج وقال لنا إن حظكم اليوم زين لأن اليوم المطر توقف العصر [ قلت في نفسي لا والله حظنا شين مهب زين ] المهم رحنا للفندق وحنا متعبين لا زم ننام ويوم وصلنا الفندق وأردنا النوم قال خويي كأني أسمع صوت مطر فلم أصدق لأني جاي من نجد والحرارة 50 المهم فتحت الدريشة وإذا بالبرق أمامي وعلى طول نزلت للشارع بدون شعور وقعدت اكثر من ساعتين والمطر يصب وبعدها ذهبت للغرفة كي أنام ولكن هيهات أن يأتيني نوم لأني لم أنم بحياتي والمطر يصب 00 المهم فتحت الدريشة وقعدت أستمتع بالديم لين أذن الفجر وبعد ماصلينا حاولت أنام لكن الديم مستمر وزاد انهمار المطر [ ههههه أنا خابرن الديم عندنا بالسعودية دائما يقف بعد الفجر ثم تطلع الشمس ] لكن هناك يختلف الوضع تماما لأنه مافيه هواء غربي يؤثر على الخيال عندهم المهم نومي مبروك حال واستمر الديم لين غابت الشمس وأنا لي يومين مانمت 00 وبعد العشاء وضعت في أذاني قطن حتى ما أسمع صوت المطر واستسلمت للنوم لكني شفت البرق مع الدريشة وفزيت وطار النوم وبدأ المطر من بعد العشاء بروق ورعود وحاولت النوم وعجزت واستمر المطر بقوة حتى الضحى والحقيقة بغيت أنهبل من قل النوم والعجيب جلسنا 12 يوم لم نرى الشمس إلا دقائق معدودة والباقي مطر ×مطر حتى إن صلعة رأسي صارت خضراء من كثر الماء اللي صب عليها