بعدها بحثنا عن مكان للمنام وشب النار مع الموتر الغالي موتر البر كل شي تبيه موجود فيه صوره لجلستنا ثم العشاء بحضور الي جو لمنا وفي فجر يوم الجمعه جهز القهوه والفطور ثم بعدها تم اكمال الرحله والتمشيه بباقي الريضان ورائحة الازهار قمه بالروعه هنا والتقينا باحد الاخوان هنا ودلنا على روضه بهذا النفل طول كف اليد جزاهـ الله خير من اهل اوشيقر بيض الله وجيهم ديرة الاجداد وبعدها ذهبنا لها وبوسط الطريق لقينا بعض البيوت كذا ثم وصلنا روضه منجوره جميله جدا ومحميه من الي ساكنين فيها رائعة بمعنى الكلمه صراحه طول النفل فيها وضعنا المعاميل شف كيف ما تنشاف وخيرات من رب العالمين وكانت الاجواء غيم ورشوش وجميله بالحيل وهذي الغنم في خير ونعمه وتغدينا ثم مشينا للعوده لديرتنا ووصلنا قبل الزفلت روضه الخميسيه وبهذا ينتهي تقريرنا عن هذي الاماكن الجميله صراحه وبخوة نشاما وراحت هاليومين بسرعه البرق .. واشكر لكل من ساعدني بوصفها . كان معكم اخوكم الجنوبي 2000 ابو عبدالعزيز كل جديد واخبار للخيرات والامطار والربيع وأحلى الصور تابعوني هنا بالتويتر https://twitter.com/algnobe2000 دمتم بود