يا صــاحبي مجلســـك عــامر بزواره
ما نطفي نــاره ولا .. نتركه بغــباره
نضيّف الـناس ونصب لهم .. القهوه
هذا يسولف وذا ... يرثيك باشـعـاره
ونتذكر الماضي ونقلب في صفحــاته
واللي من الطيب خــالي يقـل مقـداره
واحيان نبكي عليك .. ونمسح العبره
من حزن في القلب يشعـل قلبي بناره
جدران مجلسـك فيها ... آثـار للقصه
قصة فـقـيد اختفى وانقطـعت اخــباره
ليت الـزمـن يرجـع ونرجـع لمجلسـنا
والــدنيا يا صـــاحبي والـوقـت دواره
مهمــا يطــــول الـزمـن وإلا يفـرقـــنا
لا بد مـا يفصـح وينشـر لنا اســراره
