الحق على خلك قبل تطلع الشمس = اخاف ماتطلع علي شمس بكره
هون على قلب غرس حبكم غرس = من وحشة اغيابك مع الليل يشره
تكفيني الهمسه بلا حاسة اللمس = ياعين حر شامخ فوق وكره
مشاهدك ومشاهد عيونك الخرس = يجلي حزن نفس بلياك خطره
قم يانديبي وحتضن طارة الجمس = ازبن على نواف بالليل وسره
قله ترا صاحبك مايرقد من امس = بسباب منهو زاد صده وهجره
غره زمانه والعمر عشر مع خمس =سنه صغير وزود الصغر كبره
وقله تراني خاطري بعدها عمس = ياكبر قدري له وياصغر قدره
ياكثر هجره بس ماستوعب الدرس = اخاف ان ستوعبة أزداد حسره
وتنهي حياتي كنها قلعة الضرس = اما الجسد ياخوك ودوه قبره
الشاعر //// سليمان الخضراني