بسم الله الرحمن الرحيم
السلام عليكم ورحمة الله وبركاته
اولا وقبل كل شي ( لا أحد يروح مع ابو سامي للبحث عن الاثار
(((تراه يبي يكرفك )))) وتخرب نفسه وذا لقى شي ما يعلمك عنه يخاف تاخذه والا ابو سامي :49: )
بصراحه الرحله ممتعه وجميله وتخللها بعض التعليق من ابو سامي الله يجزاه خير وتعرفت إلى عاشق البران وماشاء الله عليه متحمل ابو سامي الله يعينه .
ومشينا بعد صلاة العصر وقابلنا اخوي عاشق البران وتوجه بنا أبو سامي إلى مكان لا اعلم اين
( تراه متوعدني ماعلم وينه ) المهم حاسنا يمين يسار وقف ارجع مطبات نفس شينه كل شي توقعه بهذه الرحله (
ياحظك ياولد نجد افتكيت من ها الجيه ) وبعد الجهد والعطش أخيراً وقف , لكن صار الخافي اعضم قدامنا جبل ؟ وين قال ارقوا . غيرها , قال ماتبون اثار ارقوا , ويدعس ابو سامي قدامنا (
ماء شاء الله عليك ) يخاف يلقى شي ونشوفه ,وشوله جايبنا أجل ! وانا وابو ابراهيم (ونسيت ارجوا المعذه اخوي عبدالرحمن ) ومعنا في الرحله ولد ابوسامي عبدالرحمن الله يصلحه .
المهم رقينا بعد مايبست براطمنا ولا وش نشوف حصى ! وعليه شخاميط مدري وشتبي ؟(مستصيح ابو سامي ؟) المهم قال هذي اثار من قوم ثمود,,
وخلونا ندخل الجد .
الصراحه شي يفوق الخيال اول مره اشوفها على الطبيعه مع اني ياكثر ما مريت هناك ولا دريت عنها .
لكن وللأسف الشديد وصلت ايدي العابثين اليها ونقشوا اسمائهم على الحصى( وتخيلوا جمالها الذي لا يقدر بثمن )
والغريب أن النقش أو الكتايه غامضه لكن ابو سامي ماقصر ترجم لنا شي مهوب قليل والله يجزاه خير .
(شكلكم تقولون وراه طول بالقرق وين الصور )
وبعدها نزلنا من الجبل واتجهنا الى (
انفضح المكان ابو سامي ) بئر الحطيئة .
وتمشينا ودوجنا حول البير وحول منازل الشاعر ( قلنا لعلنا يلحقنا شوي شعر وندلي نقصد )
وبينما نحن ننبش الارض باعيننا نبحث عن شي من الشاعر فاذا ابو سامي يجد شي ( هذي صحيح مدري وشوا عيا حتى يوريني اياه (يحقلك ابو أبراهيم ) ويوريه ابو ابراهيم ويخليه يصوره ويقلبه ويتفحصه بيده اطلبوا الصوره منه, ودندشه ياويلك ان جيت حوله يخاف اني اصادره منه .
وتراي طولتها هذي الصور