[ابو البر]

المشاركة الأصلية كتبت بواسطة الخيالي

هذي القصيدة لها قصه معي وهو ما دعاني اكتب القصيده ..

كانت جدتي الله يطول بعمرها في الشرقية وكانت خالتي ( اللي هي بنتها ) ملازمتها ... ومع بداية الدر اسه اضطرت خالتي ترجع لبيتها عشان المدارس .. وأول ما دخلت بيتها كتبت خالتي كم بيت عن أمها ومدى اشتياقها وان الديره من دونك ولا شي ... طبعا الأبيات هذي وصلتني من دون ما تدري خالتي فكتبت هذه القصيدة وأرسلتها لها .. والحين أبيكم تقرونها :
..

يا خالتي يومــك تقــــولين .. يمــه
................. مـا لـوم قلبكـ لــو كـتبـتي دواوين

محدن يلوم اللي يبي شوفة .. امـه
................... لـو هي دقيقـه غايبه تبكي العين

واللي مسح دمعه على اطراف كمه
................... يقول ويني ... ياهلي .. والفرح وين

مهتم .. ضايق .. والصدر فيه .. غمّه
.................. ماهيب غمة من شكى لوعة الدين

حاولت .... الملم .. مــير ما فيه .. لمــــه
................... الشـوق بعثرني ... وسقت العناوين

يا بو لمـى .... قرّب لي الخط ..... وضمّـه
.................. خل المسافه بيننـا ... بس .. متريـن

وإلا .. ابــرسـل لــي سلامن .... وسمّـه
.................. لـ ميمتي عمشا .... عسى فالها الزين

...

وسلامتكم

بونواف التميمي

شوف العرب ياخي يقولون يمه
تقديسهم للأم تكتب دواويين

الأم ساس لكل شعبن وأمه
والآم هي قرة الروح والعين

منهو يثق في شي حتى لكمه
الحب في وادي وهو ياخوي وين

اللي نسى امه تعايش بغمه
الا اذا منه رجع واتبع دين