[ام العنود]

المقادير
5 علب زبادي
4 ملاعق طحينية
3 أرغفة خبز محمصة
علبة حمص مسلوق و مصفى
4 صدور دجاج مخلي من العظم
نصف كوب بقدونس
فص ثوم مفروم ناعم
بهارات
2 ملعقة زبد
2 ملعقة زيت
1 ملعقة سُمّـاق
عصير ليمونتين

وهذي البهارات
فلفل أسود - ملح - كمـون - فلفل أبيض - كاري - جوزة الطيب

الطريقة

هنا قليت فص ثوم في ملعقة زبد ه و بعد دقيقة أضفت نصف كمية الدجاج و بعدين نرفع الدجاج و نضيف
ملعقة زبد ثانية و باقي الدجاج

طبعاً هذي صورة القلية الثانية لأني نسيت أصور أول دفعة

هذا الدجاج يتقلى مع الثوم و الزبد و الزيت

وبعد ما ينضج نضيف الدجاج الأول على الثاني، واني اقسمه عشان تتقلى كل قطعة دجاج على حِدة وتصير مقرمشة و ما تلزق مع بعض

وبعد دقيقة ضفت البهارات و نخلطها، و بعدها الحمص مع قليل من الماء، عشان يطرى الحمص نفسه

وفي هذي المرحلة الماء قل شوي فطفيت الفرن

وهذا البقدونس فرمته و ضفت له عصير الليمون،

بعد ما غيرت الصينية أضفت الدجاج و الحمص على البقدونس

صورة مقربة شوي

بعدها أضفت الطحينية إلى مقدار الزبادي، أني استخدمت 3 زبادي، لكن الكمية صارت قليلة لذلك استخدموا 5 أحسن

و هني قطعت الخبز المحمص و رتبته على صينية الدجاج والحمص ، و خلطت الزبادي مع الطحينية
و عادةً تجي كمية من الماء مع الزبادي أني
استخدمت منها ملعقة فقط لكل علبة عشان الزبادي مايصير كثيف واجد، و ممكن إضافة كوب لبن، لكن اني ما كان عندي ...

وهذي صورتها النهائية بعد وضع الزبادي بالطحينية، و زينته بعرق من البقدونس، اني بصراحة مو شاطرة في التزيين، بس احب الطبق
يستوي حليو من لحاله

وهذي الصورة تبين طبقات الدجاج مع الحمص ثم الخبز المحمص ثم الزبادي بالطحينة

طبعا منقوله
وصحتين وعافيه