بسم الله الرحمن الرحيم
السلام عليكم ورحمة الله وبركاته
ابيات متواضعه بقلمي ارجو ان تنال اعجابكم
وش بقى للحب دام القلب ذاب
من سبايب صدتك وجفايتك
توك تشرف بعد كل الغياب
يوم اخذت من الصدود كفايتك
ليه طيب قول عطني لو جواب
ودي اسمع منك كل حكايتك
لا يروح العمر دام اني شباب
ما يريح البال كود عنايتك
لم شمع القلب في صدر العذاب
دام حبي حسب قولك غايتك
والعمر رحلت ذهاب بلا إياب
لا تسجل في يديك نهايتك
لا تخلينا انا وانته غراب
ارفع بوجه المشكك رايتك
يازكي النفس ياحلو السكاب
يافريد الوصف هات وصايتك
شوف حالك بين تلعات الرقاب
فرق واضح لو تجي بعبايتك
الوكاد انك مسممني بناب
ياحلو سمك وحلو غفايتك
وسلامتكم