[عايش أبورجيلة]

[quote=قطر الندى;936956][grade="00008B FF4500 DC143C 4B0082"]!!!مابي اضيق خاطرك وانت مرتاح!!! ,[/grade]
يآصآحبي طآلبك خلني بحآلي
ما أبي "أضيّق خاطرك" وأنت مرتاح
ياصاحبي وإن غبت عنك " ليالي "
غلاك باقي بالحنايا ولا راح
تبي أسولف لك
وش اللي جرالي؟؟
أخاف يمسح قولنا الصبح لا لاح ..!!•
أجل تعال أجلس "هنيّا" قبالي
دام الحطب طاح وكثير العتب طاح
لو كل شخص إليا عطيته وفالي
ماكان ب الدنيا حزن ليل وجراح ..!!

ولو كل غالي قدّر إحساس غالي
ماشفت ذاك الدمع من محجره ساح ..!!

ولو كل قلب من الحسد جاك خالي
مايشتكي من "شحّ الأمطار" فلاّح

ولو كل واحدجاك طبعه مثالي
ماكان ب الدنيا سجن ناس وإصلاح ..!!

ولولا الذنوب اللي بكبر الجبالي
ماكان "جيش الكفر" ل بلادنا إجتاح

ولو الردي يعرف ش معنى عيالي
ماقطّ أبوه ب دار الآلآم يا صاح ..!!

هذا بعض "حزن السنين" التوالي
طير الحزن مبطي على خافقي ناح•
ما أقول أن الخير ماله مجالي
لآ والذي يفلق من الليل الإصباح

لكن هنا بعض "الألم" ياحلالي
وأنا أدري أن العود يوم أحترق فاح

أول أقول إني صبور وشمالي
واليوم لآ والله أنفجر سدّي وباح ..!!

ماقلت لك يا ذيب خلّني ب حالي
هذا أنت "ضقت" وأذكرك جيت مرتاح .!!

يسلم خاطرك ومشكور على هاالشعر المعبر
الحمد لله مرتاح والحمد لله فى العيد العود فاح