اتعبني الهاجس على كـل الاقطـار=يسرق لذيذ النـوم حتـى ولفتـه
يوم الجزاله عند اهلهـا لهـا كـار=ما فيـه بحـرٍ مضلـم الا غرفتـه
اسهر ولّحق وهاج النـار بالنـار=ومن فيض محبرتي شعوري وصفتـه
اكتب وابيح اسرار واخفي اسـرار=درت بفضاي وكـل شـيٍ عرفتـه
واللي خفى مع موجة الوقت لا اندار=عديت في راس الطويلـه وشفتـه
يدفن على ذمه تصاريـف الاقـدار=ويبقى على هامش فدى ما كشفتـه
الشعـر بحـرٍ فيـه لؤلـؤ ومحـار=وما عاد يقطع لي ضماء لو رشفتـه
اعرف وش اكتب ون كتبته لشعار=يموت حرفي داخلـي مـا عسفتـه
رصيدي الي منـه عملـه بـدولار=يبقى على طول الزمن مـا صرفتـه
واليوم صارت بين تاجـر وسمسـار=ضاع الصحيح ومجمل الشعر عفتـه
الشاعر القدير والمميز عبدالمحسن بن نوار المقاطي العتيبي