قصيدة اعجبتني
وشفيك مثلي تشكي الحزن يا طير *** كسرك حدا الجناحان وإلا افتقاده
تشكي وأنا أشكي وإجمعتنا المقادير *** والكل منـّا غربتـه فـي بـلاده
يا طير أنا مثلـك كثيـر التفا كير *** والحزن وثـّـق فـي يمينـي قيـاده
حتى على البسمة يجي له تعابيـر *** يرسم ملامح صورتـه واعتماده
بس الأكيد إنـي أصـد المعا صير *** وأكافـح الدنيـا بصبـر وجـلاده
أشوف همـّي لو كبر عندي صغيـر*** وألمح شعاع النور لا أظلـم سـواده
واللي صبر يا طير يلقـى تباشيـر *** لابـد يلقـى فـي حياتـه سعادة
دنيا الأمل تعطي للأحـلام تبريـر *** نكبـر وتكبـرها الأمانـي زيادة
يا طير كان الحظ سـاق المعاذيـر *** وأبطئت مع الأيـام كبـوة جوداه
إكفخ بجنا حان الأمـل للمخاضيـر *** وش لك بقاعٍ ما يفيـدك حصـاده
لك منزلٍ ما جـاه قبلـك مساييـر *** ولا قبلـك أحـدٍ قـد تملـّـك وداده
تعال وإسكن في عيوني عن الغيـر*** رمشي غطن لك والجفون الوسادة
الشاعر : خالــــد بـن عبدا لله السبيعــــــي