بسم الله الرحمن الرحيم
السلام عليكم ورحمة الله وبركاته
قصيده للشاعرالمبدع/ جزا بن صالح الحربي
أرجو أن تحوز على رضاكم واستحسانكم
يامل عين(ن)مابكت فرقا الاضعان
تعطى النويفج لين تذبل ذبليا
ليا شدوا العربان من عقب مقطان
والصبح منهم جانب العد خليا
وتفرقوا من نقرة العد سلفان
احد(ن) رحل جنوب واحد(ن)شمليا
وقفوا وراحوا مع وسيعات الاوطان
وكل(ن) على سفن الصحاري رحليا
عليهم الخافق تقل فيه نيران
وتصلاه غمقات الهواجيس صليا
وبكت عيوني مثل همال الامزان
مزن(ن) تحدر من مناشيه مليا
على الذي له داخل القلب مسكان
وعليه ماسمع عاذلي لو عذليا
عين الفريد الي مرابيه فيحان
الريح لاعه واستذار وجفليا
وسمع الحساس وشاف بالعين زيلان
واستاكده بين الوعر والسهليا
الصاحب الي منه القلب عطشان
ولاينجلي حبه عن القلب جليا
اقفوابه البدوان والقلب حيران
وسود الليالي ماعطتني مهليا
وطال الرجاء والي مضى تقل ماكان
والي بنينا لغدنا ما كمليا
وجيته وانا في وقاتها كنت مرضان
من شدة العربان فيه زعليا
وقلت الوداع وغادي(ن)وجهه الوان
متخالط فيه الزعل والخجليا
وذقت الفراق الي مشاريبه احزان
وانحل بحالي والمحاني هزليا
كني كسير شم له ريح ريحان
نوب(ن)يفيق ونوب يذهل ذهليا
عليك يالمجمول ياخدر الاعيان
سميت حالي لين جسمي نحليا
والحب مثل النوم والنوم سلطان
والله بلاني في محبتك بليا
وجانا الربيع وربعت كل الاوطان
وانا صناديق الضماير محليا
لاشك خبرني عسى منت خسران
او شايف الي بالطويله تعليا
وان كان حدوك المقرد وعدوان
ماني لا ابازيد(ن)ولانتي بعليا
وسلامتكم