السلام عليكم ورحمة الله وبركاته
مبروك لأهل الديار الممطورة
إتصال الان من اليتمه يفيد بهطول أمطار شبه غزيره
وانا توي جاي من جهة القفيف جنوب شرق المدينه بالقرب من قرية غراب على طريق المدينه المهد الارض عينت خير من الله من العصر والمطر ديمه وبروق ورعود شديده يوقف نصف ساعة ويستمر ثلاث ساعات تقريبا الى بعد صلاة فجر اليوم والصواعق نسمعها
أقوى لاشفت من مطر جهة (الروزه _حرة المسبعه_طرف القفيف من جهة الروزه )مشيناها البارحة الساعة ( 12 ) والشغايا والخطوط تمشي والغدران كثيره ولا أنسى طرف حرة عريفطان من جهة الروزه بعض الدعوبه تمشي والمطر عليها تراديد
والصبح وانا جاي للمدينه الساعه السادسه أشوف تناقيع الماء (كبر مرابض الضبا واللي أكبر شوي واللي أدون الين وصلت مركز ضعه قبل الدائري الاخير بـ 10 كم وأنا أدخل بالماطر الزين اللي يمشي الدعب والغدران كبيره والمياه واجد لين وصلت للبيت بالحرة الشرقيه
هذي علومي وسلامتكم يالغالين