بسم الله الرحمن الرحيم
في هذه التغطيه وضعت طريقه لعرض الصور وذلك لوجود عدد كبير من الصور
ولسهولة التصفح اتمنى ان تجد القبول والرضى
كانت الرحله من حائل الى مدرج وابالورود ونفود الثويرات وقبه
المسافة من حائل لأبوالورود 250كم
في البدايه كان الجو رائع صباح الأربعاء ورحت لشعيب الرصف وخذيت بعض الصور
اتجهت بعدها لطريق القصيم واول ماوصلت لهادكو بدأ المطر وكان الجو رائع
وصلت لبورود وكان قدامي الشقرديه من الزلفي عبدالوهاب العطالله ومحمد المسعد ومن تمير ناصر العثمان
كانت فيضة ابالورود خياليه وكان الجو تمطر شوي وشوي توقف وكنت اكلم ابوصالح من حائل وواصف له الجو
مادرينا الا وهو يتصل يقول انا وصلت ابالورود وين انتم(بعذره ماقدر يصبر)
يوم جاء المغرب والمطر ماوقف رحنا لنفود الثويرات فيه بيت شعر وابل لأخوانا محمد المسعد
وهذيك الليله البرق والرعد ماوقف والمطر مستمر يالله لك الحمد
يوم قمنا الصبح ولاالأجواء خيااااااااااليه والبل يمينك ويسارك الحليب يدور من يشربه
لكن كنت انقد على راعين البعارين اقول وش لهم بالبهذله
لكن بصراح البل تاخذ العقل الحيران تقل وغدان يلعبون معك
والنياق من يوم تناديها وهي تجيك على طول وتحط راسه على كتفك(انواع الحنانات)
بعد ماافطرنا وشربنا من هالحليب مشينا مع الرعيان شوي وخذنا صور
بعدها مشينا لقبه وكانت الشعبان سايله والنفود ماشاء الله ربيع
منها طلعنا اعتقد لأفضل فيضه بالربيع تبعد عن قبه 30كم
وكانو المكشاتيه على قفى من يشيل يالله تلقى محل تجلسبه
الناس اشكال والوان من كل ديره
يبون الوناسه وفلت الحجاج
اول ماوصلنا ظبطنا فنجل على الكيف
وبعدها ظبطنا الكبسه بالفيضه والشيف كان ابوعزوز
الله يكثر خيره
ماطول عليك الصور ابلغ من الكلام
اتمنى انها تنال رضاكم وهذا المبتغى
صور من حائل
صور من حائل(الرصف)
صور من الأجواء على طريق القصيم
يتبع باقي الصور