[خالد العوض]

المشاركة الأصلية كتبت بواسطة عاشق البران

مساء الخيرات كل ابوكم،،،

أبو محمد عندي سؤال الله لايهينك ، متى تبدأ فترة المراويح - بإذن الله - وكم تستمر تقريباً ،،،

مدري يابو ابراهيم وش المقصود من المراويح يعني النشو اللي يحدث فجئه ثم يصير سحب رعديه
اذا كان نعم
نقول في مارس وابريل الى نهاية الموسم
وذكر سحابة الرياض في 23 مارس
كنت عباره عن قطع صغيره جت من الجنوب مسرعه كنه نفيض ثم انقلب الجو فجئه حول الساعه 2 الظهر وضربت سحابه جهة الصناعيه الكبيره طريق الخرج الشرقي وسيلت سيل طيب يوم راحت شرق تعاظمت وشمخ المزن فوق
ثم قبل صلاة العصر تبين ركم رهيب مهيب شمال غرب الرياض كسرت ((يعني جت من شمال شوي)) ورحت جنوب شرق وظهر المزن فوق السدى رغم ان السحابه قريبه بالعاده يختفي المزن بالسداء اذا قربت بس علشانه ساقت جنوب شرق بقوه مال المزن ناحية الجنوب
وتبين من فوق السدى