[**ابوعمر**]

بسم الله الرحمن الرحيم

امس قريت في مختصر الامطار ليوم الاثنين 20/12/1430هـ
ان الطوقي ماشي مشي طيب

فقررنا اليوم بعد صلاة الظهر بالتوجه اليه

لكن للأسف

ما شفنا سيل في الطوقي!!

وهذه صورة الباطن قبل روضة الخفس

:1: فااااضي

وهذه الصوره لشعيب الطوقي اللي يقطع السكه لكن مافيه سيل

:2:

بعد ماتعديناه يمكن بـ 200م لقينا سواد خفيف (طين) الله يجيب السيل

بعد ما جانا دوار الحفنه خذنا يمين يم الرمحيه وفي منتصف ذاك الطريق الطويل

نزلنا مع البر يمين يم اعالي شعيب حميّم والرمحيه

صوره تبين المطر على الارض في ذيك المنطقه

:3:

قمت بقياس الندى بالمصطره صار حول 10 سم او اقل

:4:

المهم والله المطر اللي شفناه الصراحه ما يستاهل العنوّه له

ولكن بفضل الله ومع تقدمنا نحو الرمحيه وحميّم لقينا ذالسيل في ذالباطن

ولكن باين انه مهب قوي

:5:

المهم ذهبنا بإتجاه رماح - غيلانه

لكن مافيه الا خير يجيبه الله وغيلانه اشوف قطرات في الرمل اللي يسار الهجره

واضح ان المطر خفيف جداّ

صلينا المغرب والعشاء ومشينا من غيلانه

والحمدلله المطر لقيناه بعد شعيب خويش

كل ما اتجهنا الى الرياض ازداد قوّه

إلى ان وصلنا الى المحطه اللي قبل مكاتب العقار اللي يسارك وانت بإتجاه الرياض

ولقينا غدران كبار ولله الحمد

و واضح ان المطر غزيرا جداً

هذه صوره ليليه لكن اعذروني على قلة الوضوح

:6:

الحقيقه هذه الصوره ماتبين نصف ذاك المنقع ماشاء الله
::
في الختام اسئل الله ان ينفع بهذه الامطار
واعذروني على القصور