على طاري الشيباااااان
يقول لي واحد الله يرحمة ويسكنه الجنه توفي قبل سبع شهور
يقول كنا بدو وكان عندنا جار لنا صاحب طاعه
يقول تقهوى عند ابوي الظهر وراح لهله وبعد تقريباً ساعه ونص
جاء على اقدامه مسرع وهو مرتبك ويناديني يقول لي رح ياولدي
وقل لهل الحلال يقربون للجبل والغيران يبي يجي مطر بسرعه ياولدي
يقول وقام ابوي يضحك يقول الله يهديك يابو فلان وين مطر المطر له علامات
غيوم وانت تشوف السماء مافيه غيوم تعال تقهو بس 0 قال انا شفت رؤياء
وخوفتني
المهم يقول لزم علي اروح ورحت وتقريباً بعد صلات العصر بدت الغيوم
تتكاثر حتى قطب السماء وسمعنا الرعد يقول وتضربنا برديه اخذ البرد حوالي
ثلاث ايام بالجبال