[ريح المطر]

المشاركة الأصلية كتبت بواسطة عاشقة الصواعق

اذكر الوسم اللي مضى كنت ابشر اهلي باوقات الامطار وبقدوم السحب وكنت آخذ التوقعات من هذا الصرح الشامخ _ ولكن السنه هذي ماراح ابشرهم بشي هههه_ من الملاحظ بعد رحمة الله وحكمته جفاف المنطقه الشرقية ايضا هذه السنه_ولكن املنا بالله كبير _ اللهم اغثنا وارحمنا

انشاء الله مافيه جفاف ولا شي

عام 2004 2005 اذا تتذكر زين


طول الوسم ماجانا مطر

واول يوم من المربعانيه صبت علينا صب قعدت الامطار اسبوعين

ولا هو مطر خفيف او متوسط غرقه بمعنى الكلمه

تخيل اسبوعين متواصله مطر قوووي بروق ورعود وديم كان غزير بالحيل

وعشان تتذكر اكثر يوم التسونامي ضرب شرق اسيا

ويقولون اول عشر ايام من المربعانيه تنبت ماينبت الوسم

وفعلا كانت سنة خير وطلع الفقع في راس الزور وراس ابو علي وراس الغار

والسفانيه مع ان الامطار تأخرت لاكنها كانت شديدة الغزاره وفي اول عشر ايام من المربعانيه

لاكن اسأل الله العلي العظيم ان يرزقنا الغيث لنا ولجميع المسلمين