السلام عليكم ورحمة الله وبركاته
ابا اعتبر قضيتي ضد مجهول
واصبر ولو ان الخطيه كبيره
والا ان بغيت القول باعرف وش اقول
مخازني مليا سلاح وذخيره
ماكني الا املك لي آباربترول
ماهوب ضحضاح العدود القصيره
يجي كلامي واقعي ن ومعقول
واعرف وش اقصد به واحدد مسيره
والله خلق خلقه وحط ألهم عقول
وكل حسب عقله بشره وخيره
احد ن يجي فعله مهذب ومقبول
واحد ن بها يرمي على غير خيره
تراك مانت بعن خطاياه مسؤل
خله على عمياه يشعب بعيره
وقضيتي حطيتها ضد مجهول
ويالله ياربي عليك الستيره
ابوغند