[أبو حجر]

الحمد لله وشكره له على هذه الامطار والخيرات المتواصله لهذا اليوم السبت /25- 11 - 1427

اللهم لك الحمد اللهم ارحمنا برحمتك واغفر لنا واجعل ما انزلته علينا عطاءآ برضاء يارب العالمين امطار اليوم لاتنسى وكان بودي اعرض لكم صور الامطار والسحب السيول التي غمرت كل الشوارع ولكن اسمحوا لي اكتب
هالتقرير المفصل ولو اني ابا طول عليكم شوي ======== المعذره :2:
البدايه كانت من الصباح الساعه/7 تقريبا مطر متوسط نقعت الشوارع

الساعه /10 سحابه قويه مشت الشوارع

الساعه / 11 سحابه غزيره جدا من حيث الامطار والرعد والبرق ( من زمان ما شفت قوه المطر بدون مبالغه اكثر من
تسع سنوات تقريبا )

الساعه /1 الا ربع سحابه نفس الاولى غزيره جدا لدرجه انك تشوف البرق في عز الظهر بكل وضوح واستمرت تقريبا
ثلث ساعه بنفس القوه وبعدها ديمه حوالي نصف ساعه
ومن بعد العصر الى المغرب مطر متوسط متقطع == مع وجود ضباب كثيف ورذاذ يغطي الافق
الساعه /6 تقريبا مطره طيبه مشت الشوارع اكثر طبعا مع استمرار جريان الشوارع من الظهر

بعد العشا مطر متوسط ( ديمه )

الساعه / 10 مساء سحابه غزيره جدا (شق من سماء ) نفس اللي امطرت الظهر

والى الان ديمه شبه متواصله المرازيم تصب والشوارع ما زالت تمشي ولله الحمد
وهذا تقريبا ما حصل اليوم من امطار غزيره ومتوسطه طوال 12 ساعه ماضيه جعلني اكتب التقرير
المتواضع ========= الرياض == مخرج /10 == الساعه 11 ونصف === والان تمطر