يابجاد لاتنشد عن الحال يابجاد **** حالي كما طير (ن) عديم الهدادي
يبغا الهدد ومقيدينه بالاقيــاد **** سبعة شهور(ن) حالته في ترادي
ولا كما شيب غدا اليوم منصاد = ومن اول معواه روس المبادي
يجمع له الشاوي من الملح ما زاد=لين اعطبت رجليه ضرب الزنادي
هذا كما حالي مع القيض لاعاد = ياجعلها يابجاد حال المعادي
إلا بغيت البر فالحر وقاد = يغشاك من لفح السموم السوادي
اقول مابه قيظ وان رحت مافاد = يحدا ضميري بشهب الال حادي
ماشوف غير معكف الذيل ينقاد = ولا جهام الضب في نادي
تحكمني الضيقات بطناب واوتاد = يارب فرجها ترى الحال زادي
ومتى على الله نجمة سهيل تنعاد= يضوي سناها مظلمة كل وادي
والا بغيت الحال طربات واعياد = تعال وانشدني بوقت البرادي
خذ الكلام اللي تسلسل بالاسناد = يزهاه ختمي يالشنب واعتمادي