[المهند]

المشاركة الأصلية كتبت بواسطة الساري

الحمدالله على السلامة
والشكر لكل من وقف معاكم في هذا الموقف العصيب
وذكرتني بقصة صارت علينا نفس الموقف وفي عين العبد ايضا وكان ايام ربيع وفيه امطار طلعنا من المخيم ورحنا نتمشى على جيب جديد راعيه بس يتحدى قلنا له ابعد عن اصباخي تراها مصيبه المهم قدر الله وشطف له صبخه وقعد بها والظاهر صورة الماء اللي ينبع تحت الرجل ابلغ شي
المهم ماقدرنا وكل من جاء ماقدر
وجانا سبيعي الله يذكره بالخير وقال بسيطه اتصل على اخوه وجابو سياره ثانية
واربطو طرف الحبل بسيارة ومرروه فقط تمرير بالسيارة المغرزة (( الغرقانه )) وربط الطرف الثاني بالسيارة الثانيه علشان يصير جرهم متساوي
والله انهم شلعوه شلع من وسط السبخه
الله يجزاهم خير ذكرت هذه القصه بعد فوت الفوت لكن يمكن يقراه احد ويمر عليه الموقف
اشكرك اخوي مهند مرة اخرى انا من المعجبين جدا برحلاتك المميزة

الله يسلمك أخوي الساري ... وشاكر لك إثراء هذا الموضوع بهذا الموقف ... الذي لاتحسد عليه ..
أخوي الساري من المفترض إن لم يعتنى بالعين وتضبط وتفلتر وتنظف أن تقوم عليها البلدية أو الدفاع المدني بإغلاقها وتعقيمها بالعقم أوبتشبيكها ...
أما السحب فماوالله تطلع إلا برفع مثل البالونات وألين يجي ذا الصوت "بق " تراه مهم مرررة ...!! عشان تطلع السيارة ..