[الحايلي]

طريقتي اذا كنت في البر وكاشت مع مجموعة شباب :

1- ان اكون قريب من التانكي او اخلي جنبي جركل ماء لاني احتاجه باستمرار

2- ان تكون عزبة القهوه على يمينك او قريبة منك حتى اذا استخدمت ترجع كل شي في مكانه علشان ماتضيع العزبه

3- ان تكون عزية الطبخ على يسراك علشان اذا استخدمت شي ترجعه كذلك في مكانه علشان ما تضيع العزبه واذا جيت تمشي والا كل شي حوسه ثم تتضايق ويكون ترتبيك لها حوسه ولا يفاجئك المطر والا ريح فما عاد تتدري وش تبدي

4- ان يكون المكان ذاري اذا كان هناك تقلبات جويه او تحرى مهب

5- في الشتاء احرص على الضو والطبخ عليها ولاتستغني عن الدافور لانها ممكن تمطر في اي وقت وتطفي نارك

6- احرص على المبيت ان يكون في ارض دماث علشان قرصك الصبح واقل خطر بإذن الله

عاد من كان عنده زياده فليتفضل الحمد لله نحن هنا في هذا المنتدى المبروك امرنا قائم على المشاركه بينا في كل صغيرة وكبيره والتقدير والاحترام في مابيننا

اخوكم الحايلي