[اميره قطر]

المشاركة الأصلية كتبت بواسطة متابع بهدوء

مساء الفل والكادي

انتم تسمونه المشموم


التوقعات ضعيفه ووممكن تكون نواحي الكويت

و توقعات بنزول للحراره اواخر اغسطس

وكل شي بعلم الله


والسلام

هلا


المشموم الي اوراقه خضراء ولها ريحه قويه وفيه ورد بنفسجي صغار يشبه نوعا ما شكل ريحان

الحاله بتمر على عمان والامارات وجنوب السعوديه و بتنقز على الكويت يعني مافي لو شوي قطرات مطر الظاهر مرتفع علينا او عوامل ناقصه الله يعوضنا فالشتاء يارب وفي موسم سهيل باءذن الله

تدري يامتابع العالم ولا همها للحر رحلات بحريه حر موت رطوبه الكل فالبحر

وجونا ماشاءالله صح حر بس البحر شكله يشوق السيف ابيض والبحر درجات الازرق نظيف

رحنا رحله بحريه من اسبوعين من حظنا انه كان مافي رطوبه تقهوينا وطبخنا العشاء ورحت مع ابوي داخل المسكر وتسبحنا قريب الفجر والقبقب جانا وخرعني هههه تخيل قبقب اكبر من علبه شيبس برنجلز شكبره يخرع وقعدنا لين الصبح وشفنا شروق الشمس وجهزنا الفطور والجو نسمات بارده سبحان الله والله ولا رطوبه ولا شى

كان يوم حلووبنرجع مره ثانيه اذا خفت الرطوبه

الحمدالله