في عيون السنابل لك مدامع حصاد
كل ماهب جرحك طاح دمٍ جديد
تورق الأرض تحتك من خريف البلاد
لا اغتسل من يباسك كل فصلٍ بعيد
هاتني من عيونك طيف نجم وسهاد..
ودي أسهر وحيد./ وودي ابكي وحيد
ودي اكتب قصيدة ماتخون السواد
وودي امسح سوادٍ ماوفى للقصيد
ودي ازرع حفيفك في غصون المهاد
يمكن أجنيه طفلٍ من ثمار النشيد
ودي اقطع سبات الهايمْ فـ كل واد
قبل سيل الغواية ينذره بالوعيد
ياشتا لو بريدك به رسايل رماد
مارجف كل ساعي من جفى هالبريد
وانت ياللي ترفرف في عيون الهداد
مال ريشك بصيرة لو ضريرك رشيد..
لو رصاصك حقيقة ماكذب هالزناد
لو حياتي قصاصك .منهو فينا شهيد..؟
شف عيون السنابل لك تهيَّت حصاد
هب يمكن جروحك فيها نزفٍ جديد
جيت كنك ضحية تطلب أجمل حداد..
ورحت كنك هدية في مماتٍ سعيد
رآآقت لــي