عبدالمحسن الرحمه
لوا هني اللي معه موتر جديد
كلما حانت له الحاجة لقاه
لوا عذاب القلب من حظ ن عنيد
مرت اسنيني وانا دوم ابرجاه
شطر
الله يكافيك الجديد من الحديد
آخر موديل اللي بعيدن في مداه
جيبن ليا سجيت به قفرا بعيد
يغنيك بعد الله عن موتر سواه
ابو سيرين
وفّــر مــن الـراتـب وعـيش بهــا سعيد
تـخـتار لـك مـوتـر ولا يـصـعـب شراه
زادت مصاريف البشر صيف ن وعيد
يـا ويـل مــن يـســرف ولـو زايـد ثراه
الركام
اقنع بها الدنيا ولا تطـلـب جــديد
يرتاح مـن يقـنـع ولا يتـبع هـواه
واصبر على الموجود لو انه زهيد
الوقــت عابر مايطــول بك مداه
رعد الشمال
اعطوك هرجّ مختصر فيه المفيد
فيه القناعــة تكبح النفس وهواه
واطـلب بتــال الليل رزاق الــعبيد
اللي اليامنه عطاء يرضي عـطاه