طالبك قلبي يحبك لا تسافر
خل مصيافك هنا بالقلب صيّف
لا تخليني ترى للذنب غافر
كان قلبك صلف قلبي لك رهيّف
الجفا حملٍ على الوجدان كافر
والوصل كل الحنايا به تكيّف
كن لا من جيتني دبك الحوافر
في خفوقٍ يعتبرك أغلى وليّف
ناقشٍ حبك مثل نقش الأظافر
في يدينٍ ضمة الصدر النحيّف
يا وجودي والغلا والشوق وآفر
لا تقفي بي ترى صبري خفيّف
فيك كل الملح والزين متضافر
من هدب عينك ليا الخصر النحيّف
بس أنا طالبك تكفى لا تسافر
خل مصيافك هنا بالقلب صيف
الشاعر / سعد الجميلي