اقتباس:
المشاركة الأصلية كتبت بواسطة عبدالمحسن الرحمه
من عادتي لأمن نويت التعابير
أكتب بيوت ٍطعمها طعم حالي
عابر سبيل أقبل تحية وتقدير
ياللي سكنت القلب يبن الرجالي
يبن الرجال العز يبن المناعير
ياللي يحب الخير جزل الخصالي
في واصفكم تعجز كثير التقارير
وتعجز حروف القاف لو هي جزالي
يا نهر جاري يا مزون التباشير
يا راعي الفزعات في كل حالي
رجل ٍ يحل الكايدات المعاسير
يفتل قوي القول فتل الحبالي
رجل ٍ علومه مثل ريح النواوير
رجل ٍ تربى في ظلال المعالي
له الغلا والحب جنَه طوابير
يسوقهن هبَ الهبوب الشمالي
أنا شهد أنه من سلايل صقاقير
يا مالك ٍقلبي وروحي وحالي
|
الله الله ...
صح لسانك شاعرنا عبدالمحسن ..
أبيات جزله ووافيه كصاحبها ...
ويستاهل أستاذنا عآبر سبيل كل هذا وأكثر ...
الله يحفظكم ويرعاكم ..
رذاذ