قلت ابسلا عنه لكن ماقويته
ويشهد إنه لو يحاول ماقواني
لاتصدق لو اقول اني نسيته
ولا تصدق لو يقول إنه نساني
أن جفاني جيت انا له ماجفيته
وان نويت أجفاه جاني ماجفاني
ليت لي به صبر وإلا هو ياليته
له على فرقاي صبر ولايعاني
كم وكم حاولت صده وأحتويته
كثر صداتن نواها واحتواني
وين ماسافرت عن داره لقيته
و وين ماسافر عن أوطاني لقاني
مستحل الفكر والخفاق بيته
وفي هواجيسي وفي منطق لساني
أرتويه حروف لامني ضميته
ويرتويني شوق من حدب المحاني