((وداع محمد))
مزن البرد يا نجد قفّت مطاياه
رحل عن الدنيا عسى الله يبيحه
مات السليس اللي سموحٍ محياه
و قلوبنا سبّة افراقه جريحه
زميلنا اللي طيّبات سجاياه
فليح وجه و من وجيهٍ فليحه
إي والله اللي في البراري فقدناه
ركنٍ تهاوى يستحق المديحه
اسنين معنا ما تغيّر بممشاه
صريح و يحب الرجال الصريحه
الله يغفر له عدد ما ذكرناه
حيثه نصوح و يستمع للنصيحه
يا ما قرينا له و يا ما سمعناه
راعي العلوم الطيبه و الصحيحه
عليه منا كل ما حل طرياه
سلام قلب و عبرةٍ مستبيحه
وداع يا محمد وداعٍ كتبناه
و نفوسنا بعدك ما هي مستريحه
ما ظنتي يا عالية نجد ننساه
محمد الروقي عسى الله يبيحه
..إدارة البراري..