[خالد بن منشار]

فتّحْت عيني على موت الرفيق = ليتها ما فتّحت يا ليتها

جيت والعالم تعزّي وسط ضيق = مات ابو خالد معلّي صيتها

والله اني بعد موتك كا الغريق = والدموع اقفت ولا جاريتها

مات ابو خالد وفي قلبي حريق = والحنايا العوج يدمي بيتها

فاجعه خلّت بنا جرح ن عميق = والعيون اليوم صدق ابكيتها

من غلاك ابكي ويبكيك الصديق = والعرب في حزنها خلّيتها

غبت يامحمد وبالدنيا وثيق = ذكرياتك بالنفوس احييتها

كم على يدّك تعلّمنا الطريق = وكم عطيت ادروس ما سرّيتها

لا اعتراض ابحكم ربي يالرفيق = لاحقينك والعيون ادميتها