[سالم عبدالرحمن]

المشاركة الأصلية كتبت بواسطة STORM RIYADH

بردية الرياض العظيمة يوم 24 مارس 1996 م

الله يادنيا ياخوي مشاري كنت راجع من محاضره بالكيه يوم كانت بعليشه والي الساعه الرابعه المهم كانت السماء صاكه بالغيوم الغير ممطره وبعد ماوصلت للبيت خديت غفوه الا اهلي يصحوني على صوت مثل الزلزال وقمت مفزوع السالفه قالو اعصار وبرد ونا لك افتح النافده المطله على بوابة نادي الهلال الغربيه الا وشوف الضباب نازل على حد انوار الشوارع والارض ماتشوفه من غزارة البررد والمطر عاد انا طلع لي مشكله النوافد مثل الشلالات وبنفس اللحظه افكر بالسيارة واكيد ان القزاز تحطم ونا اجمه المناشف وحطهن تحت النوافد وانزل ابشوف السياره الا السياره طايحه عليها شجره كبيره قلت بس السياره وراحت وجانا جارنا وطلعت السياره الا ولله الحمد ماغيه الا مخش بسيط فوق التنده وياسبحان الله لو ماطاحت الشجرة على السياره كان القزاز كله متكسر وجت سلامه من الله
وعاد بعده مانخللي اللقافه شغلت السياره ومعي العيال قلت ابروح لم عديلي بالتخصصي ساكن ونا امشي مع الشورع اصادف تجمعات مياه السيارات ترجع وحاولت اروح من الشارع الغربي لمستشفى الامير سلمان الا مغلق بسبب تجمع المياه وانا اروح وانزل مع الوادي قبل يجي سيله التاريخي و اللي يطلعك على مستشفى الطب الرياضي ويوم جيت الناصريه وانا ابلش لااقدر ارجع ونا امشي والمياه تغطي الكبوت الله يستر وخللي الكفرات اليسر على الرصيف وامشي الين وصلت التخصصي ومارجعت الا باخر الليل بعد ماخفت الشوارع وكانت العليا الروضه والنسيم اكثر غزاره وماصاحبها من حوادث غرق لبعض السيارات وتكسير البعض الاخر وعدروني على القفز والعك وسلامتكم