بسم الله الرحمن الرحيم
السلام عليكم ورحمة الله وبركاته
حيا الله اخواني الاعضاء في منتدى البراري
واسعد الله اوقاتكم بكل خير
هذه صور من كشتتي للدهناء آمل إنها تحوز على رضاكم
هذه وقفتنا يم المكان المطلوب وبصراحه نقرهـ حلوهـ
وشبينا النار وحطينا البرقات عليها واحد للشاي والثاني يفوح يمكن تمسك معنا بريق ثاني
وهذه صورهـ لبرميل المندي اللي نبي نحط التويس فيه هههههه
موتر الاخ العزيز ابو سفيان وحنا معبينه نصف تحطيب
عقب ماجاء مسيان قاموا الشقرديه بتقطيع اللحم
وبعدها قمنا واشعلنا النار في البرميل الخاص بالمندي
وبعد ما اشعلنا النار قاموا الشباب وتبلوا اللحم و علقوها على اسياخ على توضع في البرميل
وقبل مانحط اللحم حمسنا بصل وحبحر ( فلفل حار ) في قدر علشان يوضع داخل البرميل
بعد ذلك كبينا الرز وخليناهـ شوي على النار علشان يجمر اللي في البرميل
ثم بعد ذلك جلسنا لمدة ساعة سواليف وفلة حجاج وشرب شاهي على الجو الكايف وبعد ساعة
فتحنا الغطاء وشمينا الرائحه الزكية اللي تفوح بهار وشي يهوووول العقل
بعدها اخرجنا القدر واللحم ثم وضعناهـ في تبسي وسمينا بالرحمن
آمل إنها تحوز على رضاكم
واعذرونا على التصوير كله بالجوال
والجايات إن شاء الله احسن واحسن
تحياتي لكم
عاشق ديرتي