تذبحني الغيـره وانـا واثـق فيـك
واصبر ولا ودي تعرف اش حصل لي
من كثر خوفي زايد الشـوق يذيـك
صبرت مااحد في عذابي فطـن لـي
:
بالضحك وحروف القصايـد مسليـك
والنار فـي عقلـي وقلبـي وكلـي:
عـز الله انـك هـم لكنـي اغليـك
والله .. حتـى همكـم جايـز لـي
تشوف شوقٍ في عيونـي يناجيـك
واشـوف بعيونـك عذابـي وغلـي
سبحان من صورك واكمل معـانيك
في كـل ميـزات الجمـال امتحلـي
لو القمـر حكـم ضميـره يناديـك
ولا أقبلت فـز وقـال خلـك محلـي
أوصفك ولو مالـك حلـى يضاهيـك
وان قلت غيري قلت غيـرك يولـي
لو يزعلون الناس يكفينـي ارضيـك
لـوانك مكـدر عيشـتـي بالتغـلـي
لواني معك اشفق لذكـرك وطاريـك
واقول سولف عن حياتك وقـل لـي
مفتون في حاضرك واشفق لماضيـك
عز الله اني جـرح وانـك دواً لـي