ياهيه ياجاهل حقوق الصداقه
اعلمك واحفظ كلامي وانا اخوك
عليك برجال الوفا والعراقه
اللي على درب النواميس خاووك
عاداتهم ماتعرف الاصطفاقه
اخوان ماهم من ضنا امك ولا ابوك
وان ضقت من جور السنين وشقاقه
جو لك ومن دوامت الضيق شالوك
صداقه الوافين جود وثاقه
وان طعت به هرج المعادين غروك
عسى زبون الطيب يبطي فراقه
لو ان درب الموت واضح ومسلوك
واهل المصالح لو تسوي علاقه
يامن خذو مصلوحهم منك خلوك
عند اللزم عدوك ضمن الرفاقه
وابدو معزتهم لشخصك وحبوك
فجئة تبين ودها واشتياقه
وان كان ماعندك لزومن تناسوك
لابوك يارجلا يخفي نفاقه
ولا ابوك ياراع المصاليح لابوك
الشاعر / ناصر الذرفي