الأصل هذا كذبـ...ـة الفخر والصيت
يمكن رفعته بـ...س ما هو رفعني
شفني أخالف للسعاده مواقيـــت
والقاه صامـت كنه اللي سفهنـي
منهو أنا؟؟إن رحـ..ت والا إذا جيت
يا حظ منهو بالشقا ما عرفني
من فوق سطح رفوف حلمي تهاويت
مدري نفضت الرف والا نفضني
حتى السراج اللي على خبرك أضويت
يقــصر فتيله عن دهاليــز حزنــي
ترحل من حبال الحناجر تناهيت
وتحط فوق اهداب جفني ....وجفني
مستقبلي محصول أرض التشاتيـت
لا دام سـاعـد معول الحظ مثنـي
وش غير صوتي بـ....عـد هذا تحريت
أهون علي أموت وارتاح منــي
مليت ترتيب الأسـ...ـامـي ومليت
من وين ما ارحل تسأل الناس عني