السلام عليكم اقدم لكم اليوم اول موضوع لي بالمنتدى وحقيقه المنتدى اعجبني واتمنى ان اكون اخت لكم على الخير اكلتي اليوم جريش وتراه يا اخواني سهل الطبخ بس يبي له وقت والكثير يقول صعب ولكن اليوم ابسهله لكم وابي بكرة اشوف النتايج منكم اول شي نجيب القدر ونحطه على النار ثم نصب اللبن او الحليب ثم نشبه ونحط البصل والفلفل والملح ونكب الجريش وما يمنع نحط شوي رز معه ثم نتركه على النار وبعد ما يغلي نقصر على الضو ثم نحط صاجه تحت الضو علشان تتوزع الحراره على اسفل القدر كله وبعدين نحط البهورات من كمون وغيره ثم نغطيه ونتركه لمدة ساعتين على نار هاديه ثم بعدها نجيب ( معصاد ) علشان نحرك به الجريش حتى يتطلق من بعضه ويصير مختلط مع بعضه طبعا اللحم يطبخ في قدر لحاله وكذلك رشت البصل ( كشنه ) بعد لحالها ثم بالهناء والعافيه واي سؤال عن الجريش انا حاضره اختكم نشميه